اتجوزت من 3 سنين وجوزي كان بيعملي كل حاجه نفسي فيها

حتي يوم اجازته ياخد الواد ويخرج وييجي لما الواد يعيط يدهولي ويخرج او يقعد في اوضته لحد محسيت اني لوحدي وحياتي بتبوظ
كان رايح يحلق وعمل حادـثه بالمكنه روحتله عند الدكتور واخواته كانت هناك وعمل اشاعات وطلع كويس الحمد لله بطلع فلوس من معايا اخوه قالي لا انا دفعت
بقوله دفعت كام جوزي رد وقالي خلاص هو دفع وخلاص
روحنا بقوله اخوك يدفعلك لي
قالي ملكيش فيه انتي ومتدخليش فاللي ملكيش فيه
قولتله لما انا ماليش لزمه في حياتك مخليني معك لي
قالي متمشي حد ماسكك لمېت هدومي ومشيت
الواد تعب وعرف جه يشوف الواد ويطمن عليه قعد مع اخويا وبيتكلم معاه قاله مش ناويين تتراضو قاله سلمها لله
بكلمه بقوله متقلقش الواد كويس مردش عليا
بقوله مبتردش لي هو انا بشحت منك قالي متحكيش معايا خالص
انا مش جايلك اصلا انا جاي لابني وهشرب مع احمد العصير وهمشي
قولتله متقوم تمشي قام رامي الكوبايه في وشي وقام ماشي
اخويا بينادي عليه قاله هبق اكلمك فالفون
عدا فتره اتصلت بيه وبعيطله بقوله تعالي خدنا
قالي دموعك ملهاش لزمه دلوقتي
انا بقيت تمام دلوقتي ومصدقت اني اقدر ع غيابك
وياريت متتصليش بيا تاني لحد مخلص اللي بعمله
اخويا جاي بيقولي جوزك هيطلقك وبيخلص في ورق وهياخد قرض من البنك عشان يدفع قايمتك
من وقتها وبرن ع جوزي مببردش
وعملي بلوك من كل شئ حتي الارقام الغريبه مش بيرد عليها
ومش عارفه اعمل اي
انا ندمانه وعارفه اني غلطانه بس كل ده مكنش بمزاجي
امي السبب في كل ده ولسه عماله تقولي هيدفعلك نفقه كل شهر وهيديكي قايمتك وشيليهم وعيشي بس انا من غيره همـ وت
عاوزه حل بسرعه من غير تجريح 💔💔