ممكن دقيقة والدقيقة بقت عمر

دلوقتي الحقونيي الحقونيي ...
اسمي موج عندي 25 سنة بشتغل مدرسة رياضيات في مدرسة ابتدائي طبعا طول الوقت بتعامل مع اطفال خصوصا في مهنة تدريس الرياضيات عامة ف الحمد لله يا جماعة كرهوني الجواز و الاطفال و العيشة المهم يا جماعة اني معرفش في حياتي غير تلات حاجات التفاهة و قفشات الافلام و النوم وقت ما بيجيلي نوم بنام في اي مكان و اي وقت بس انا بحب المجال ده جدا و الرياضيات عمتا و دايما الطلبة بتوعي من الاوائل
خلصت الحصص ال كانت ورايا و كنا ماشيين انا و اتنين زمايلي من المدرسات
شوفتوا مدرس الرياضيات ال اتعين معانا في المدرسة النهاردة حاجه كده ټخطف القلب !
اها ده انا كنت واقفة جنبه لما رحت للمدير المدير بيعرفنا ع بعض كنت برفع راسي عشان ابصله من طوله طويل و عنده دقن و عيونه برموشه حاجه كده استغفر الله بس متبهدل خالص كأن حد ضربه علقة محترمة شوفتيه يا موج !
اخدت شفطة من العصير و بصتلها و مش عايزة اشوفه هعمل بيه ايه !
ضحكنا و كل واحدة ركبت مواصلاتها عشان ترجع البيت .
تاني يوم
خلاص يا حبيبي بطل عياط تعالي وريني احمد ده
اخدته و رحت للفصل ال جانبي خبطت و فتحتلي طالبة