انا ام العروسة

بنتي مخطوبة من حوالي سنه وخطيبها سافر من فترة في الخارج عشان الشغل وان شاء الله ينزل في الصيف لإتمام الزواج خطيب بنتي شاب محترم جدا وواضح انه بيحبنا جدا ودايما في اي مناسبه واقف معانا وفي المواسم والاعياد مش بيتاخر عن الموسم والهديه يعني بيقدرنا جدا بس الكلام ده كان قبل ما يسافر
من اسبوع كان عيد ميلادي وده اول عيد ميلاد ليا يجي وهو خطيب بنتي ولقيته باعت مع اخته هدية ليا عباره عن عبايه للخروج من ماركه معروفه هنا في مصر يعني حتى مش جايبها من هناك لانكم عارفين حاجات الخليج بتبقى قيمه ازاي يعني انا كان عندي توقع غير كده خالص خاصا ان الهديه بتعكس التقدير للشخص للاخر
وبنتي ودت لحماتها في عيد ميلادها طقم كامل بالشنطه بتاعته في عيد ميلاد حماتها ومش عاوز اقولكم سعره عشان متتخضوش او تقولوا بتكدب
وكررت نفس الموضوع في عيد الام انا بقول عشان معزة الشخص وتقديره بتبان من الحاجات البسيطه اللي زي ديه فانا كنت بخلي بنتي تجيب اغلى حاجه
انا طبعا رفضت اخد الهديه وقولتها لا يا حببتي لما يكون هو موجود يبقى يجيلي انما محدش يقوم بدوره وهو مسافر
وهو لما عرف حاول يكلمني بس انا رفضت اكلمه لان الموقف مزعلني وبنتي طبعا زعلانه اني مش بكلمه وهي عارفه ان دماغي ناشفه وهو بيلح عليها تشوفني زعلانه من ايه ولو علشان الهديه بيقول لها هجبلها اللي هي عاوزاه ...
بس يا جماعه بعد ايه بقى انا بصراحه حاسه بالاهانه من الموقف ده وشكلي قدام اهله وهما اكيد اللي قالوله هنجبلها اي حاجه من هنا وخلاص وهو وافقهم
المفروض اكلمه افهمه غلطه براحه وعدم تقديره ليا
كده حفاظا على مشاعره ومشاعر بنتي لأن الموضوع حساس شوية ومش عاوزاه يؤثر على علاقتهم ببعض ولا أعدي وخلاص عشان اقصر المشاكل ولا انتم شايفين ايه
baraka_بركة