لو كنتم مكاني

انا عندي ٢٦ سنه وبشتغل في شركة انترناشيونال اتقدملي شاب ٣٢ سنه من قرايب واحده صحبتي هو من عيله كبيره ورياضي وعنده شغل كبير وناجح جدا
انا كمان الحمد لله من عيله كبيره والتوافق عالي جدا بينا
المشكله انه في المقابله والتعارف قدام اهلي واهله
قالي انه ممنوع استخدام الموبايل وجميع وسائل السوشيال ميديا
قالي هايكون معاكي تليفون صغير بزارير وبس عشان التواصل مع اهلي والمقربين
بيقول انه مضيعه للوقت ومش هايخلينا نكون قريبين من بعض وهايسبب مشاكل
انا بصراحه اتفأجات من طلبه وبرضو انا
كل حياتي الموبايل صحاب وشغل واستغربت اكتر لما لاقيته
هو برضو معاه تليفون صغير واستغربت لانه مستواه الاجتماعي كبير جدا ومش مكسوف وبيتعامل عادي
مش عارفه لو وافقت لانه عاجبني جدا وفي كل المميزات اللي انا كنت بحلم بيها هاينفع اكمل ولا اوافق بس
وبعد الجواز اجيب تليفون واستخدمه في الوقت اللي هو مش معايا فيه في البيت ولو اكتشف ده هايكون رد فعله ايه
ولا ارفض من البدايه مع العلم انه اترفض من بنت قبل كدا عشان طلبه ده برضو
انا محتاره اوي
لو كنتم مكاني هاتعملو ايه