حسبنا الله ونعم الوكيل في كل ظالم

مشكله عضوة
انا متزوجة بقالي ١٨ سنة وجوزي بعد ما اتجوز عليا عرفي من ورايا ومن ورا اهله كمان من واحدة سورية من اللاجئين اللي هنا في مصر مطلقة وعندها عيلين خرجني من شقتي ب٣ صبيان وبعدها عرفت انه خلف بنت وبعدها وثق زواجه لشرعي ورسمي وكل دا وانا بعيالي قاعدين برا في مكان تاني بعيد عنه بقالنا ٦ سنين ومكناش نعرف بس كننا بنطلب منه مصاريفنا فكان بيبعت المهم الدنيا غليت اوي والعيال بتكبر فطلبت منه يزودلنا مصاريفنا شوية لقيته بيقولي ولا مليم زيادة وانا اصلا عاوز اطلقك قولتله وانا مش عاوزة اتطلق رغم كل دا عشان العيال ولاني مش عاوزة اتجوز تاني برده عشان العيال وقولتله لو ما زودتش
مصاريفنا خد عيالك جرب اصرف انت عليهم بنفسك وشيل مسؤليتهم يمكن يرجع في قراره لقيته بيقولي لو موافقتيش تطلقي في جلسة عرفية انا هطلقك غيابي قولتله لو طلقتني غيابي هدمرلك مستقبلك وهحبسك بالقايمة زي ما انت كدا عاوز تدمرلي عيالنا وحرام عليك كدا مع العلم ان العفش تم تبديده عند حماتي وخدوه كله استعملوه وفرتكوه تماما قالي طب تعالي اوديكي
لدكتور نفسية وعصبية يكتبلك روشتة وقعد يقنع فيا اني بيتهيألي حاجات مبتحصلشي واني لازم اتعالج وساعتها هيذودلي مصاريف العيال وهيجيبلي كمان خدامة تساعدني في تربيتهم وهيديلي عنيه كمان ودا عشان اخف واعرف اربيله عياله كويس ويطلعوا اسوياء واقسم بالله بيتكلم بجد مع العلم انا موظفة ومعايا ماجستير ودكتوراة في تخصصي ف قولتله طب
هقول للدكتور اني مريضة ازاي عشان يصدقني قالي انا اللي هتكلم معاه واخليه يكتبلك روشتة وهسال الاول مين بالظبط اللي هوديكي ليه مع العلم انه كان لسة مكلم المحامي قبلها علي طول وولادي سمعوه بيقوله انا عاوز اطلق مراتي غيابي وخاېف تحبسني بالقايمة ياتري اللي في دماغي دا صح
ارجو ان اللي فهم حاجة يفهمني يا جماعة واللي مر بظروف مشابهة لكدا يقولي
وحسبنا الله ونعم الوكيل في كل ظالم