بيتنا القديم

السلام عليكم
أخواتى الفضليات عندى مشكلة وصلتنى من عضوة جديدة معانا ارجو الإهتمام بها

السلام عليكم
من فضلك ممكن تنشرى المشكلة بتاعتى عند حضرتك فى الجروب النهاردة أو بكرة ضرورى للاهميه
أنا عندى أربع اخوات رجالة وانا البنت الوحيدة واصغر واحدة فيهم وكلهم متجوزين فاضل أنا معايا دبلوم وعندى ٢٤ سنة وقاعدة فى البيت بخدم والدى من بعد ۏفاة ماما الله يرحمها من ٣ سنين وبعدها بابا تعب أوى وجاتلة مية زرقاء على عينة من السكر العالى والضغط ورفض يعمل العملية وأصبح شبه ضرير ومعتمد عليا فى كل حاجة بقوم بيها له وربنا قدرنى وشيلتة على كفوف الراحة
إتقدملى عرسان وطفشتهم علشان خاطرة وكان ېصرخ فيا اقبل وأقوله لأ أسيبك لمين الجواز يستنى
المهم عطانى مفتاح الدورج بتاعة وقالى هاتى الورق اللى فيه واخدنى وراح الشهر العقارى كتبلى الشقة باسمى وسجلها وقالى متعرفيش حد من اخواتك ودى أمانك بعد لما اموت والمعاش من نصيبك يكفيكى تعيشى مستورة وشورى نفسك منه كمان وبلاش تشتغلى وتبهدلى نفسك عبال ماييجى إبن الحلال اللى يستهلك .. الشقة ٥ أوض وفى منطقة الحمد لله كويسة وعلى شارع وكان بابا شغال فى أمن بشركة بترول من سنين طويلة وباع بيتنا القديم فى البلد وجاب الشقة دى فى القاهرة وتمنها غالى جداا حاليا
المهم بابا الله يرحمه توفى من ٤٠ يوم واخواتى عاوزين يروحوا يعملوا شباك وراثة فى المحكمة وبيدوروا على محامى وانا خاېفة اعرفهم بموضوع الشقة وهما ليل نهار بيتناقشوا إنهم يبيعوها وياجرولى شقة إيجار جديد وادفع تمن الايجار من معاش بابا أو يشوفوا شقة صغيرة أوضة بصالة بنصيبى من تمن الشقة
أعمل إيه وأتصرف إزاى خاېفة يعرفوا ويضربونى ولا يضغطوا عليا أبيعهالهم أو أتناذل عنها مش عارفة أعمل إيه وعلى فكرة فى محامى وعمى شاهد على عقد البيع وصاحب بابا كمان أعمل إيه