جوازه نت

انا بنت عمرى ٣٨ سنه اتخطبت مرة من عشر سنين واتفركشت ومن وقتها بخدم اهلى وبشتغل وانا المسؤله عن ولاد اخواتى مذاكرة ودروس وكل دة بحب والله والى بيتقدم يا انا ارفض يا هو يرفض المهم حصلت خڼاقه فالبيت وبقول رايى عادى يعنى لقيت مرات اخويا بتقولى اما يبقالك راجل ابقى اتكلمى انتى اصلا علطول حزينه ومكتئبه وقربتى تجننى من اعدتك من غير جواز مع ان والله انا راضيه جدا وعارفه انه نصيب وكل امر الله خير فكرت ودخلت ابلكيشن جواز واتعرفت على شاب قالى انه محاسب وبيشتغل فالغردقه وبعتلى صورة وانا كمان بعت صورة واتكلمنا شهر بمنتهى الادب وحكالى عن اهله ووالدته كلمت والدتى واتفقو ييجو بعد اسبوع
يوميها بليل اتصل عليا قالى فى مصېبه حصلت والعهدة بتاعته نقصت عشر الاف جنيه ضاعو ولا اتسرقو هو ميعرفش ولو مرجعوش هيتسجن وقالى لو معاكى ابعتيهملى وانا اما انزل هرجعهملك من فلوس الشبكه ال مفروض محوشهم مع ممته وانا بحسن نيه بعتهم على رقم فودافون كاش مش رقمه اصلا بعدها اختفى وقفل تلفونه وبتصل بوالدته كمان الرقم غير متاح انا عارفه انى غلطانه لكن سؤالى هل انا كده مظلومه وليا حق عنده ادام ربنا ولالا انا بحسبن عليه كتير اوى اوى نفسى ربنا ياخدلى حقى منه انا كنت بفضفض معاكم واسفه للاطاله