حصلت على لقب مطلقة.

انا عندى احباط و اكتئاب رهيب بعد شهرين جواز حصلت على لقب مطلقة.
جوزى كان بيحب واحده قبلى و لما عرفت انه اتجوز افتكرت حبها ليها و قررت ترجعله,المهم طلقنى علشان ميقدرش يفتح بيتين و الهانم مش عايزة حد يشاركها حبيبها.
اتحايلت عليه نفضل متجوزين على الاقل سنه رفض لانها عايزة تشوف ورقة الطلاق قبل الجواز!
دلوقتى هو اتجوز و صورهم ماليه الفيس و الانستا,انا مش قادرة اخرج من البيت قاعده فى اوضتى بقالى ست شهور مطلعتش من الشقة,امبارح رايحة المطبخ اسمع ابويا و امى بيقولوا هى اللى خايبة معرفتش تخليه يحبها و رماها,يا خسارة اللى دفعناه فى الجهاز.
اخويا زعلان اوى على فلوس الجهاز بيقول كراكيب و هلاهيل و حتى لو استعمال شهر بتتباع بنص الثمن و قال لابويا لو اتجوزت تانى مش هشارك فى جهاز تبقى تجهز نفسها او ياخدها بالشنطة.
امى مدارية على الكل انى اتطلقت و بتقول جوزها مسافلر و ناوية تعلن بعد سنه.
ابويا قلبه محروق على قرض الجهاز بتاعى.
انا استقلت من الشغل و مش عايزة اشوف حد و لا حد يعزمنى على فطار مع جوزى.
حاسة بخنقة و محدش طايقنى بفكر انت..حر