أسوأ شيء لما الطــ.عنة تيجي من اللي منك

#يوميات_مأذون
16/1/2017
جالي المكتب
مجموعة من الناس
عشان عقد زواج
الكلام ده من حوالي 10 سنين
اتفضلوا
أهلا ًوسهلاً
الزوج حوالي 40 سنة
الزوجة حاجه وعشرين
ومعاهم الشهود
اللي بالمناسبة مش قرايبهم
الزوجة سبق لها الزواج
سألت الزوج قال كنت متجوز وطلقت
المهم تممت إجراءات الزواج
ومشيوا
بعدها بيوم
جالي المكتب رجل خمسيني
السلام عليكم
قلت له عليكم السلام ورحمة الله وبركاته
لو سمحت
فيه واحد وواحدة اسمهم كذا حضروا عندك امبارح واتجوزوا؟
قلت له خير فيه حاجه؟

قال انا لفيت كل مكاتب المنطقة
لو عندك انا جاي أمنع مصېبه
قلت له مصېبة ايه؟
قال الأستاذ ده متجوز قبل كده
قلت له ومطلق فين المشكلة؟
قال لأ على ذمته
قلت له ماشي
هو ماضي إقرار إنه مش متزوج ولو متزوج عليه مساءلة قانونية، لكن شرعاً مفيش مصېبة ولا حاجه
قال لو متجوز أي واحدة مش مصېبة
إنما ده متجوز عمتها

قلت ايه؟ ازاي؟ لا حول ولا قوة إلا بالله
ده كده جمع محرم بين زوجتين
ماينفعش يجمعهم مع بعض ف عصمته
انت بتتكلم ازاي؟
دي مصېبة فعلاً
انت متأكد من الكلام ده؟
قال أيوة
قلت له متأكد منين؟
طلع بطاقته وقال لي أنا أخو الزوج
فكرت شوية
فرق السن
الشهود مش قرايب
شوية عوامل خلت الكلام أقرب للصدق
قمت دورت ع رقم تليفون الزوج لأنه كان معايا قبلها بيوم
اتصلت عليه لقيته مغلق
قلقت أكتر
سابني أخو الزوج ومشي
طلعت عنوان الزوج
وروحت ع البيت عنده
خبطت عليه
فتح بعد معاناة
وعينيه نص مفتوحة بيبص عليا
ايه ده
فيه ايه؟
قلت له عايز أتكلم معاك
حصل معايا كذا وكذا
قال لي يا أستاذ
مراتي مالهاش عمات
اللي راح لك اسمه كذا
قلت له أيوة
قال لي ده أخويا اللي بيني وبينه مشاكل ورث ومش راضي عن الجوازة دي
وجاب لي اشهاد طلاق من زوجته الأولى
طبعاً بقيت ف موقف لا أحسد عليه
قعدت أتأسف
قال لي
يا أستاذ انت اتحركت بناء على كلام قريبي
الغلط عندنا
أسوأ شيء لما الطــً.عنة تيجي من اللي منك