اللهم اجرني في مصېبتي واخلفني خيرا منها

السلام عليكم ورحمه الله وبركاته اللهم اجرني في مصېبتي واخلفني خيرا منها انا هطول عليكم شويه بس بالله عليكم تقرو الكلام انا واقع ربنا ما يكتب اللي انا فيه علي حد

دلوقتي يا جماعه انا متجوز بقالي سنه بالظبط ومراتي حاليا مفتحه عينها عليا لما خطبتها كان كل حاجه تمام جت وانا في فترة الجيش كان في دايما بينا خناقات كتير وانا مكنتش بعرف اكلمها وهي كانت بتشتغل ف حد في الشغل كان بيزن عليها يكلمها دايما ويهتم بيها وكده لغاية م هي نوعا ما استجابت
وبقت تكلمه وفي الفتره دي كان في بينا مشاكل جامده أنها مش عايزه تكمل وكده المهم اتراضينا واتصالحنا والمفروض يا جماعه أنها بتعشقني حرفيا انا اللي مربيها كانت قطه مغمضه المهم أن الشخص ده مبقتش تكلمه وهو من تاني يوم جواز بيحاول يكلمها ويرن عليها وهي علي كلامها عملاله بلوكات وكده ف هددها أنه يكلمني عشان يقولي أنهم كانوا بيتكلمو ايام الخطوبه نظام استفزاز يعني وكده وانا كل ده معرفش حاجه امبارح بالصدفه والله العظيم ببعت
حاجه علي الواتس من عندها لقيت اسم واحد بدخل علي الاسم ف دخلت قريت الشات لقيتها أنها بتقوله انا مستحمله عشانك وعايشه معاه وخلاص وبتخيل نفسي معاك انت وكلام كتير يوجع القلب والكلام كله ب إرادتها طبعا واجهتها بالكلام ده كله وهي من ساعتها مڼهاره جدا وندم شديد جدا وبتقولي انا معرفش عملت كده ليه وازاي مع العلم يا جماعه احنا عيشتنا كويسه جدا ماديا وكل حاجه وحتي في العلاقه انا زي الفل الحمدلله هي بتقولي انا مريضه انا معرفش انا عملت كده ازاي انا عايزه اعيش معاك انت انا مش فارق معايا
تقول لحد والله مهعرف اعيش من غيرك وكلام من ده وهي مع الشخص ده بس انا حياتي ادمرت في لحظه يا جماعه الحمدلله علي كل حال انا في كل الأحوال ناوي استر عليها وعندي ابن منها اللهم بارك عنده شهرين ھموت لو بعد عني حرفيا ف انا مش عارف اعمل اي اسامحها ولا أطلقها وابقي اخد ابني منها لما يتفطم هي من امبارح مڼهاره وعياط ومبتاكلش ولا بتشرب بالله عليكم ساعدوني انا واقع في عرضكم