حمايا عمل معايا اللي جوزي معملهوش

السلام عليكم ورحمة الله ممكن اعرض مشكلتي لاني تعبت بجد و عاوزة اعيش و اربي ابني
انا متجوزة بقالي سنه و نص و جوزي وحيد ابوه و امه و من يوم ما اتجوزت و حماتي مش سيباني ف حالي و جوزي ع طول اهانه والله والله ما برد عليه و حاولت كتير اصلح حماتي مش عاوزة تكلمني و بتدخل ف حياتي و بتحكم على جوزي انه ميدنيش مصروف للبيت و هو اللي بيجيب الاكل حتى لو بطاطس بحمد ربنا و باكل و سبت البلد اللي اهلي فيها و روحت بلد اهل حماتي و قعدنا وربنا رزقني ب ولد طلعت لحماتي اديلها حفيدها و اكلمها طردتني قدام جوزي و حكمت عليه اقعد ف اوضه و ميبقاش في كالون لباب الشقه و هي تدخل و تخرج براحتها و في الطالعه والنازله تشتمني اۏسخ الشتايم و اشتكي ل جوزي و ل حمايا حمايا واقف معايا و بيدافع عني و جوزي بيسمع كلام امه ف كل حاجه
لحد من كام يوم جوزي كان بيضارب معايا ف انا بنادي ل حمايا بستنجد بيه انا مليش حد ف البلد دي والله والله والله لقيت حمايا و حماتي نزلوا قعدت تشتمني اۏسخ الشتايم قدامهم و جوزي و ابني ع دراعي و هي نزلت ع وشي بالاقلام و حمايا شاف الوضع شتم حماتي و ضربها علشاني و بتعاتب انا جوزي بعدها يقولي انتي كدابه امي مضربتكيش طيب ازاي ده انت شايفها بعينك انت و حمايا المهم برضو لم هدومي و عاوز يمشيني فضلت اعيط و اقوله سبني اربي ابني و خلاص قعدت لقيته برضو شتايم و قله ادب استنيت للصبح لحد لما نزل شغله و مشيت ع بيت اهلي
اتصل بيه شتمني اني مشيت من وراه وانا عند اهلي دلوقتي انصحوني والنبي اعمل ايه انا تعبت و والدي مش حمل مصاريف ابني
من غير تجريح