طلبات خطيبي كترت اوي عليه

السلام عليكم
انا منفصله واتعرفت ع شاب منفصل بردو المهم بعد تعارف زاد عن السنه ونص قرر أنه يتقدملي بس انا ماكنتش موافقه لانه كل مره يفضل يتكلم عن طليقته وعن قد ايه هو كان بيحبها
المهم بعد إلحاح كتير وافقت أنه يتقدم بس طلبت منه اعرف إمكانياته
لاقيته بيقولي أنه عنده اوضه النوم بتاعته والشقه ملك ومش هيجيب ولا انتريه ولا اي حاجه غير بس دبله ب 5000,ج هي دي إمكانياته وطالب مني المطبخ بكل لاوازمه والأجهزة الكهربائية كلها والسجاد والستائر والمفروشات طبعا أنا اټصدمت ورفضت وقولتله انت نطع لانه كمان عايزني بعد الجواز اشتغل واصرف معاه ف البيت
لان المحروس بيبعت لطليقته وأولاده كل مرتبه وعنده عربيه بيطلع بيها كام اوردر عشان يقدر يصرف ع نفسه
المهم شتمته ورفضت
دلوقتي بعد شهرين راحه يقولي أنه كان بيختبرني واللي انا عاوزاه بس بحدود المعقول اقبل ولا لاء
ملحوظه
هو بيصلي وبيحفظ قرءان ومهذب جدا بس تقريبا عبيط او بيستعبط
من الاخر ظروفه ضيقه جدا وعايز واحده تصرف عليه
مش عارفه اقبل ولا لاء لأن العمر بيجري بيا ومحتاجه استقر