مستقبلي بيضيع مني

أنا متزوجة وعندى طفلين وحرفيا من يوم ما تزوجت وأنا براعى ربنا الحمدلله في بيتي وخاصة حمايا وحماتي مش مقصرة معاهم خالص
إحنا في أرياف حماتي الله يباركلها ويتم شفاها على خير فقدت ابنها وهو أخو زوجي الوحيد وبعدها على طول جالها کانسر ربنا يعافي الجميع كان خبر مرضها ده زى الرصىاصة اللي دخلت قلبي عمري ما أنسى شكلي وأنا ماشية أعيط في الشارع لما عرفت اللي في التحليل
عمرى ما تخيلت إن المړض ده يجيلها وخاصة إنها ما شاء الله حلوة وصحتها حلوة وصغيرة بس من القهرة على ابنها جالها کانسر الحمدلله ربنا قدرني إن أكمل رسالتي معاهم
خاصة إحنا عندنا طيور والبيت ماشاء الله كبير ونضافة فوق وتحت كل حاجة كانت عليا وكنت بشتغل في مدرسة خاصة وسيبتها أيام تعب ماما علشان آخد بالي منها و أراعيها ودلوقتي جالي فرصة شغل بره مصر وزوجي قالي سافري انتي تعبتي كتير وتستاهلي كل خير و أنا مش هقف في طريقك بس أنا صعبان عليا حماتي ..
هى الحمدلله خلصت كيىماوي بس هي اتعودت على وجودي معاها جامد وكمان أنا مش عاوزه أسيبهم وفي نفس الوقت عاوزه أشوف مستقبلي ومستقبل ولادي التفكير هيمىوتني.