جوزي اخد بناتي مني

مساء الخير...
من فضلكم محتاجه رايكم تقولي بصراحه
جوزي معاه بنت من واحده اجنبيه من قبل جوازنا يعني وانا الحمد لله بربيها وعندي بنتين توأم اول امبارح بتخانق معاه ف الفون لانه سايبنا وقاعد في الساحل الشمالي مع شله زباله قعدت أقولو هاخد بناتي وامشي قالي بالسلامه والقلب داعيلك بس دول مش بناتك
انتي ليكي بنتين فقط وكمان مش هتاخديهم
شديت قصادو لانه مستفز وكل مره يجيب أما اټخانق معاه يفكرني أنها مش بنتي اخر استفزاز لبست واخدتهم وروحت لحمايا وحماتي قولتلهم بقاله شهر ف الساحل ومش راضي يجي وعكاك واخر قرف
حمايا قعد يصبرني ويهديني ويقولي هتصل بيه اتصل بيه فعلا ومسح بيه البلاط وقالو تيجي حالا وبطل سرمحه وفعلا جه الفجر
زعيق عشان حكيت لابوه وكان هيضربني أو بالفعل زقني ف الحيط
واخد بناتو ونزل تحت ف الدور الاول يعني نام بيهم ودلوقت صحي طلب اكل من برا عشان ميطلعش فوق والبنات جعانين
ومتاجهلني تماماااااا حتي بعت البنات اخدو هدوم عشان يحميهم
معرفش المتخلف ده بيعاقبني عشان قولت لابوه وأبوه راجل شديد ما شاء الله وله كلمته عليه وهو ما شاء الله لواء شرطه علي المعاش وراجل منضبط وكويس عكس ابنه مع أنه دكتور للاسف الشديد
دلوقت بفكر انزل عند حمايا رغم إن حماتي ھتموت عشان ابنها وكمان هي مش بتحبني ومضايقه اني بقول لحمايا
ايه رأيكم انزل تاني عند حمايا ولا اتجاهلو اصلا واكبر دماغي منه