جيراني الاعزاء شكرا

انا زوجه كنت عايشه في عز وهنا كنت متجوزه راجل صعيدي الناس كلها بتحلف بيه وبجدعنته كان بانيلي بيت كبير في الصعيد وانا خلفتله خمس صبيان وبنت وهو صاحب تجاره ومعروف وبعدين لما تجارته كبرت اخدني ونزلنا على اسكندريه وبردك كان باني بيت دورين كنت عايشه في الدور الاول وهو لما يحب يسهر هو واصحابه كان في الدور الارضي ولما خلفت ابني الاخير وابني تعب لاقيت واحده جارتي جت تساعدني وتهتم بابني هي وامها وتفضل قاعده عندي بالساعات وانا الصراحه بحب الناس ولمتهم وفي يوم كده لاقيت واحده جارتي تانيه من البيت اللي قصادي بيتقولي انها بتشوف جارتي وامها لما جوزي يجي يدخلوه عنده يقعدوا معاه ويتودودو في الدور الارضي كنت انا اقولها معلش اصلها غلبانه تلاقي جوزي بيحن عليها لانه كريم وبيحب يعطف على الناس بس بصراحه مكنتش متخيله ان الست اللي جت ولحقتني في مرض ابني تضحك عليه وتتجوز جوزي والمشكله انها خلته يطلقني ويطردني من بيتي بالست عيال ومبقتش عارفه اروح فين روحت عند اخويا اللي كان بيتاجر في تجاره شبه تجاره جوزي وعيشني في اوضه في بيته الواسع بس شغل عيالي معاه عشان يقدروا يصرفوا عليه وعلى اخوهم واختهم الصغيرين وكان اخويا يبعت عيلين من عيالي لابوهم حافين والله كان ابوهم يكرشهم ويرجعهم تاني حاجه تحزن وقلبي وجعني والله وبعد سنتين جوزي او طليقي ده ماټ بعد ما خسر كل تجارته والله واخويا اخدني ورجعني للبيت تاني وطرد مرات جوزي ودخلت البيت لاقيته فاضي مفيهوش قشايه قولت مش مشكله الحمد لله اني رجعت في بيتي بدل الاوضه اللي كنت مزنوقه فيها انا وعيالي عند اخويا وكتر خيره استحملني ومعداش شهرين تلاته ولاقيت جيراني دخلين عليه بالصوات والصر يخ والعياط وبيقولولي الحقينا تعالى خدي حاجاتك من عندنا انا اټصدمت قولتلهم حاجات ايه قالولي ياسيتي احنا ظلمناكي وجنينا عليكي انتي وعيالي لما جت ضرتك بعد ۏفاة جوزك ووزعت علينا حاجاتك كلها اللي كانت في شقتك وللاسف الحاجات دي دخلت علينا بالخړاب خربت بيوتنا كلنا واحد واحد ارجوكي سامحينا وشوفي ايه العوض اللي تاخدي مننا عوض يرضيكي انا سمعت منهم وحزين لانهم جيراني عشره عمري ومشافوش مني حاجه وحشه وعارفين اني اتظلمت قولولي اعمل ايه بالله عليكم ارجع حاجتي واقبل العوض منهم ولا اعمل ايه